Föndrið í dag gerði ég reyndar fyrir um hálfu ári síðan og gaf það í jólagjöf. Það voru landakortsglasamottur.
Ég keypti ódýrar glasamottur á nytjamarkaðnum í Mörkinni á 100 kr. stk.
Síðan sneið ég niður af gömlu landakorti sem ég átti (hafði keypt í Góða hirðinum fyrir slikk).
Ég límdi kortið á glasamotturnar með dobbelteipi og lakkaði svo með glæru föndurlakki yfir. Við það urðu kortin dálítið upphleypt en það lagaðist eftir að þær þornuðu.
Tags: Fimmtudagsföndur
Geðveikt!
vá flott
Örugglega sniðugt að nota ljósmyndir – þá getur maður prentað út á normal prentara (þarf ekki að fara í framköllun), klippt og límt og lakkað. Annars er þetta voðalega smart. Og þú veist hvað ég er svag fyrir glasamottum.
Gasalega smekklegt hjá þér. Þarf endilega að komast yfir landakort til að föndra úr. Hægt að gera svo margt sniðugt. Hafði hugsað mér að gera t.d. nokkra origami fugla.
Vá!! Geggjað