Fimmtudagsföndrið í dag er í seinna lagi og ég biðst afsökunar á því en það er sent út beint úr pressutjaldinu við Telenor-höllina í Osló þar sem ég er að fylgjast með Eurovision!
Föndrið er líka í takt við það – og ég gerði það áður en ég fór út.
Ég bjó til íslenskafánaspangir til að skarta á keppnisdaginn. Ég gerði nokkrar sem við tókum með vinkonurnar.
Það sem ég notaði var blá spöng sem ég keypti í Tiger, fánaborði sem fæst í öllum föndurbúðum, smávegis af tjulli og yo-yo-rósettur sem ég gerði úr efnisafgöngum og hafði í fánalitunum!
Þetta límdi ég svo allt saman á spangirnar og hafði þær mismunandi. Þessu skörtuðum við svo á undankeppninni og verðum með þetta líka á aðalkeppninni.
Hér gildir sko að vera vel merktur með íslenska fánanum! 🙂
Auglýsingar
Snilld 🙂
Hilla var með svona í partýi um síðustu helgi og mér finnst þetta SNILLD!
Bara vertu fljót að fá einkaleyfi og koma þessu í framleiðslu og fara að selja áður en fleiri stela hugmyndinni!:)
Þetta er æði, ég væri til í svona fyrir 17. júní!
kv. Íris D
algjört æði! og án efa mega hitt fyrir 17.júní!
Þú ert náttúrulega ekkert eðlilega sniðug Eyrún
Svo flott, takk fyrir mína spöng og takk fyrir samveruna í Osló, þetta var frábært. Verst að ég mundi ekki eftir spönginni á laugardaginn, aulinn ég, en hún verður notuð aftur að ári í Berlín!!! Haggi!
Frábær hugmynd, bjó mér einmitt til svona hárskraut, að vísu með kambi í stað spangar.
Var svo náttúrulega lang flottust í Júróvisjón partýinu með eitt þýskt og eitt íslenskt 🙂
Rakst á síðuna þína fyrir tilviljun. Fimmtudagsföndrið þitt er frábært og er búið að gefa mér fullt, fullt af hugmyndum til að föndra í sumar 🙂
Hlakka til að skoða næstu fimmtudagsföndrin þín 😉