FF #37

16 Sep

Föndur dagsins er ein af fyrstu hugmyndunum sem ég fékk í þessu föndurbrjálæði mínu. Ég fann hana þegar ég var að fara yfir bókamerkin mín í gærkvöldi og ákvað að slá bara til. Og var líka svo stálheppin að eiga tómar plastflöskur því að við höfum verið ansi löt að fara í endurvinnsluna undanfarið (!)

Föndrið er sum sé klinkbudda úr kókflöskubotnum og allt sem þarf eru botnar úr tveimur hálfslítra-kókflöskum, skæri, límband, 20 cm rennilás (ég átti bara 18 cm og hann var örlítið of stuttur), tvær nálar (breið og grönn) og garn.

Flöskubotnarnir eru klipptir af flöskunum og snyrtir til. Best er að klippa alveg niður að neðri brúninni á botninum.

Límband er límt hringinn og teiknað fyrir saumagötunum.

Flöskubotninn er svo gataður með breiðu nálinni – hún þarf að hafa hvassan odd. Þetta er dálítil þolinmæðisvinna…

Síðan er rennilásnum smeygt ofan í og hann renndur í sundur. Byrjað að sauma um 2-3 cm frá byrjun rennilássins. Þetta er gert til þess að það sé hægt að fela endann á rennilásnum í frágangi í lokin.

Þegar neðri hlutinn er tilbúinn er efri hlutinn saumaður á sama hátt.

Þetta er svo tilvalin lítil budda undir klink eða annað lítið dót, e.t.v. ömmuspennur sem vilja jú alltaf þvælast út um allt! Skemmtilegast hefði mér fundið að vera með tvo litaða botna, t.d. græna, rauða eða gula en ég átti bara einn bláan og svo glæra.

Passa þarf vel að botnarnir séu sem minnst beyglaðir. Það sést e.t.v. af myndunum að blái botninn er ögn beyglaður (flaskan var samanbrotin) og fyrir vikið er örlítið erfiðara að renna rennilásnum.

Fínar leiðbeiningar á ensku má finna hér og hugmyndin er héðan.

5 svör til “FF #37”

  1. Helga september 16, 2010 kl. 09:27 #

    Nauh! Ógeðslega sniðugt! Og aldrei, aldrei á ég eftir að botna í þessari þolinmæði.

  2. Hlíf september 16, 2010 kl. 10:39 #

    🙂 ég hef mj. oft notað gosflöskur í föndur. Þetta er skemmtilegt. En af hverju þarf að líma límband?

    • eyrun september 16, 2010 kl. 10:44 #

      Æ já, takk fyrir að minna mig á það Hlíf, ætlaði að taka það fram í textanum. Það er betra að líma límbandið og teikna punktana á það vegna þess annars vegar að þá situr ekki liturinn eftir á plastinu og hins vegar af því að límbandið er örlítið stamt og einfaldar götunina! 🙂

  3. Pálína september 16, 2010 kl. 15:20 #

    Kúl! Hér er líka hægt að fá gosflöskur í öllum regnbogans litum… Væri alveg til í að prófa þetta!

    • eyrun september 16, 2010 kl. 17:15 #

      Já, þú ert alveg í lituðu-kókflösku-himnaríki, Pálína! 🙂

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s

%d bloggurum líkar þetta: