FF #44

4 Nóv

Nú er veturinn almennilega genginn í garð hérna fyrir sunnan og það fer að líða að lokum fimmtudagsföndursins hjá mér, ekki nema tveir mánuðir eftir af þessu skemmtilega ársverkefni þar sem ég föndra e-ð í hverri viku! Ótrúlegt að hafa haldið það út svona lengi 🙂

Í dag bjó ég til dúskahálsmen/ennisband úr gömlum bómullarbol. Hugmyndin er af þessari síðu (þar eru líka allar leiðbeiningar) og útfærslurnar hjá henni eru ótrúlega krúttlegar, t.d.:

Ég gerði þetta örlítið öðruvísi. Það sem ég notaði var bómullarbolur í tveimur litum sem var með áföstum blettum og orðinn of lítill á mig, skæri, smávegis pappabútur og sterkt garn (t.d. sláturgarn).

Ég byrjaði á að klippa ermarnar frá…

… og klippti þær svo í ca. fingurbreiðar lengjur. Það er allt í lagi að saumarnir komi með og líka að lengjurnar séu fleiri en ein fyrir hvern dúsk.

Ég vafði svo lengjunum nokkuð þétt upp á pappaspjaldið. Síðan er sláturgarnið bundið utan um öðru megin. Ég notaði nál til að þræða í gegn því að þetta var orðið nokkuð þykkt í lokin.

Þegar búið er að binda lengjurnar saman er spjaldið tekið og allur vöndullinn bundinn saman í miðjunni. Þá er hægt að klippa dúskinn í sundur – eins og sýnt er í leiðbeiningunum:

Minn dúskur leit þá svona út:

Ég gerði svo annan bláan úr hinni erminni og ögn stærri hvítan úr bolnum sjálfum:

Ég klippti svo breiðan borða úr bolnum og notaði sem festi. Dúskarnir voru bara saumaðir á hann í lokin. Ég gerði það þannig að skilja eftir einn eða tvo „kósa“ í dúsknum óklippta og með þeim gat ég þrætt dúskana upp á festina. Ég passaði samt að sauma dúskana vel fasta, því að þeir eru töluvert þungir.

Þá er hér komið nokkurs konar fjölnota ennisband/hárskraut –

– og hálsmen sem bundið er um hálsinn!

3 svör til “FF #44”

  1. Fanný nóvember 4, 2010 kl. 09:06 #

    Þetta er ekkert smá flott!!
    Talandi um hárbönd, má ég leggja inn pöntun fyrir einu með hvítum grunnlit svona svipað þessu bleika sem þú gerðir fyrir Heklu? Vantar fyrir skírnina 🙂

    • eyrun nóvember 4, 2010 kl. 09:12 #

      Það er nú bara alveg sjálfsagt 🙂

  2. Karen P. nóvember 4, 2010 kl. 15:42 #

    Ég mun sakna fimmtudagsföndursins! En þú átt hrós skilið fyrir þennan árangur og dugnað í föndrinu á þessu ári.

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google photo

You are commenting using your Google account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s

%d bloggurum líkar þetta: