2010 Jóladagatal #20

20 Des

Jæja, þá eru það síðustu vinnudagarnir fyrir jól, ég dauðöfunda fólk sem komið er í jólafrí!

Í dag er 20. desember og bara fjórir dagar til jóla. Finnst ykkur þetta hægt, tíminn bara flýgur áfram?

Ég gerði örlítið pappírsskraut á jólatréð í gærkvöldi. Ég fann hugmyndina á einni af uppáhaldssíðunum mínum, How About Orange – hér er hún! Höfundurinn kallar þetta „sirkus-geimskip“ og það er bara ágætis lýsing 🙂

Efniviður:

  • Tveir litir af venjulegum pappír
  • Nál og tvinni
  • Skæri og perlur

Pappírinn er klipptur niður í litla renninga, 9 cm á lengd og ca. 1,5 cm á breidd. Til að gera svona skraut þarf níu renninga af hvorum lit.

Renningarnir eru síðan brotnir létt í tvennt:

Auk renninganna eru klipptir tveir ca. 1 cm stórir hringir. Byrjað er á því að þræða perlu/-r upp á þráðinn og einnig annan hringinn.

Nálin er síðan þrædd í gegnum annan enda renninganna, einn af öðrum og litirnir skiptast á:

Þegar búið er að þræða í gegnum þá alla er þráðurinn þræddur í gegnum efri hluta renninganna á sama hátt; byrjað á þeim fyrsta og endað á þeim síðasta. Þá myndar skrautið nokkurs konar tvílitan blævæng.

Gengið er frá þræðinum með því að setja hinn pappírshringinn ofan á síðasta renninginn og perla þrædd þar ofan á.

Síðan er hnútur hnýttur til að festa perluna:

Öðrum megin á skrautinu verður líklega dálítið gat (því að renningarnir falla ekki allir saman) – en það má snúa þeirri hlið upp að jólatrénu 😉

Auglýsingar

4 svör to “2010 Jóladagatal #20”

  1. IMB desember 20, 2010 kl. 10:09 #

    svakalega ertu sniðug. Færð alveg nokkrar jólastjörnur fyrir flott skraut

  2. Ragnheiður desember 20, 2010 kl. 15:57 #

    Æi datt þér ekkert skárra í hug???

    DJÓK!! 😀

    Ferlega sniðugt og flott skraut.

    • eyrun desember 20, 2010 kl. 16:00 #

      Sorrí Ragnheiður, ég skal láta þig um þetta héðan í frá! 😉

  3. erla J desember 21, 2010 kl. 00:32 #

    mjög skemmtó

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s

%d bloggurum líkar þetta: